ଆୟବ୍ୟୟ ବିବରଣୀ ଅନଲାଇନରେ ଦାଖଲ କରିପାରିବେ ରାଜନୈତିକ ଦଳ

ଆୟବ୍ୟୟ ବିବରଣୀ ଅନଲାଇନରେ ଦାଖଲ କରିପାରିବେ ରାଜନୈତିକ ଦଳ
ରାଜନୈତିକ ଦଳଗୁଡିକ ନିଜ ଆୟବ୍ୟୟ ବିବରଣୀ ଅନଲାଇନ ମାଧ୍ୟମରେ ନିର୍ବାଚନ ଆୟୋଗଙ୍କ ନିକଟରେ ଦାଖଲ କରିପାରିବେ । ଏଥିପାଇଁ ନିର୍ବାଚନ ଆୟୋଗଙ୍କ ପକ୍ଷରୁ ପ୍ରାପ୍ତ ଅନୁଦାନ ରିପୋର୍ଟ, ଅଡିଟ ହୋଇଥିବା ବାର୍ଷିକ ଆୟବ୍ୟୟ ବିବରଣୀ ଓ ନିର୍ବାଚନ ସମୟରେ ହୋଇଥିବା ଖର୍ଚ୍ଚର ବିବରଣୀ ଅନଲାଇନରେ ଦାଖଲ କରିବା ପାଇଁ ଏକ ନୂଆ ୱେବ ପୋର୍ଟାଲ (https://iems.eci.gov.in/) ଆରମ୍ଭ କରିଛନ୍ତି । ଏ ସଂପର୍କରେ ନିର୍ବାଚନ ଆୟୋଗଙ୍କ ପକ୍ଷରୁ ସମସ୍ତ ରାଜନୈତିକ ଦଳଗୁଡିକୁ ଚିଠି ଲେଖି ଜଣାଇ ଦିଆଯାଇଛି । ଯେଉଁ ରାଜନୈତିକ ଦଳଗୁଡିକ ନିଜ ଆର୍ଥିକ ବିବରଣୀ ଅନଲାଇନରେ ପ୍ରଦାନ କରିବାକୁ ଚାହୁଁ ନଥିବେ ସେମାନେ ଆୟୋଗଙ୍କୁ ଏହାର କାରଣ ସମ୍ପର୍କରେ ଲେଖି ଜଣାଇବେ ଓ ନିଜ ରିପୋର୍ଟ ଅଫଲାଇନରେ ଦାଖଲ କରିପାରିବେ । ନିର୍ବାଚନ ଆୟୋଗ ଏହି ରିପୋର୍ଟଗୁଡିକୁ ଅନଲାଇନରେ ପ୍ରକାଶ କରିବେ ।