ଆସିଲା ଆଇଆରସିଟିସି ଆଣିଲା ଟୁର ପ୍ୟାକେଜରେ ଶସ୍ତାରେ ବୁଲି ହେବ ସିଙ୍ଗାପୁର-ମାଲେସିଆ

ଆପଣ ବିଦେଶ ଯାଇ ବୁଲାବୁଲି କରିବାକୁ ଯୋଜନା କରୁଛନ୍ତି କି? ଆଉ ଏଥିପାଇଁ ଅର୍ଥ ସମସ୍ୟା ପାଇଁ ଆପଣଙ୍କ ସ୍ବପ୍ନ ପୂରଣ ହୋଇପାରୁନାହିଁ କି ? ଯଦି ହଁ, ତେବେ ଏହି ସମସ୍ୟା ଆଉ ରହିବ ନାହିଁ। କାରଣ ଆଇଆରସିଟିସି ଏବେ ଦୁଇ ଦେଶ ବୁଲିବା ପାଇଁ ପକେଟକୁ ସୁହାଇଲାଭଳି ଏକ ଟୁର ପ୍ୟାକେଜ ଆଣିଛି। ଏଥିରେ ଆପଣ ସିଙ୍ଗାପୁର ଓ ମାଲେସିଆ ଭଳି ଦେଶ ବୁଲିବାକୁ ଯାଇପାରିବେ ଓ ପ୍ୟାକେଜ ମଧ୍ୟରେ ଆପଣଙ୍କ ଖାଇବା, ରହିବା, ବିମାନ ଭଡା ସବୁ ଅନ୍ତର୍ଭୁକ୍ତ ରହିଛି। ତେଣୁ ଯଦି ଆପଣ ବିଦେଶ ଯାଇ ଆପଣଙ୍କର ଛୁଟିଦିନକୁ ଉପଭୋଗ କରିବାକୁ ଚାହାଁନ୍ତି, ତେବେ ବିଳମ୍ବ ନକରି ଆଇଆରସିଟିସି ଟୁର୍ ପ୍ୟାକେଜ୍ ବୁକ୍ କରନ୍ତୁ। ଆଜି ଆମେ ଆପଣଙ୍କୁ ଏବାବଦରେ ସବିଶେଷ ତଥ୍ୟ ଦେବୁ।
ଆଇଆରସିଟିସି ପ୍ୟାକେଜରେ ଯାତ୍ରୀମାନଙ୍କୁ ସିଙ୍ଗାପୁର ଏବଂ ମାଲେସିଆର ଟୁର୍ ପ୍ୟାକେଜ୍ ପ୍ରଦାନ କରାଯିବ। ନଭେମ୍ବର ୨୧, ୨୦୨୩ରୁ ନୂଆଦିଲ୍ଲୀରୁ ଏହି ଯାତ୍ରା ଆରମ୍ଭ ହେବ। ସିଙ୍ଗାପୁର ଏବଂ ମାଲେସିଆର ଟୁର୍ ପ୍ୟାକେଜ୍ ଗୁଡିକରେ, ଆଇଆରସିଟିସି ପର୍ଯ୍ୟଟକମାନଙ୍କୁ ଜଳଖିଆ, ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନ ସହିତ ୬ ରାତି ୭ ଦିନ ଯାତ୍ରା କରିବାର ସୁଯୋଗ ଦେଉଛି। ଯଦି ଆପଣ ଏକାକୀ ଏହି ଯାତ୍ରାକୁ ଯିବାକୁ ଚାହାଁନ୍ତି, ତେବେ ଆପଣଙ୍କର ଖର୍ଚ୍ଚ ୧୬୩୭୦୦ ଟଙ୍କା ହେବ। ଯଦି ଦୁଇଜଣ ସିଙ୍ଗାପୁର ଏବଂ ମାଲେସିଆ ଯାତ୍ରା କରିବାକୁ ଯାଆନ୍ତି, ତେବେ ପ୍ରତ୍ୟେକ ବ୍ୟକ୍ତିଙ୍କ ମୂଲ୍ୟ ୧୩୪୯୫୦ ଟଙ୍କା ହେବ। ୨ ରୁ ୧୧ ବର୍ଷ ବୟସର ପିଲାମାନଙ୍କ ପାଇଁ ଭଡା ୧୦୩୧୦୦ ଟଙ୍କା ହେବ। ଯଦି ଆପଣ ବନ୍ଧୁ କିମ୍ବା ପରିବାର କିମ୍ବା ସାଥୀ ସହିତ ସିଙ୍ଗାପୁର ଏବଂ ମାଲେସିଆ ଭ୍ରମଣ କରିବାକୁ ଚାହୁଁଛନ୍ତି, ତେବେ ଆପଣ ଆଇଆରସିଟିସିର ଅଫିସିଆଲ୍ ୱେବସାଇଟ୍ ପରିଦର୍ଶନ କରି ପ୍ୟାକେଜ୍ ବୁକ୍ କରିପାରିବେ।