ଶୀଘ୍ର ବ୍ଲାକସ୍ପଟ ମରାମତି କରିବ ଏନଏଚଏଆଇ

ଶୀଘ୍ର ବ୍ଲାକସ୍ପଟ ମରାମତି କରିବ ଏନଏଚଏଆଇ
ସଡକ ସୁରକ୍ଷା ବୃଦ୍ଧି ପାଇଁ ଜାତୀୟ ରାଜପଥ କର୍ତ୍ତୃପକ୍ଷ କମ ସମୟ ମଧ୍ୟରେ ଦୁର୍ଘଟଣାପ୍ରବଣ ସ୍ଥାନ (ବ୍ଲାକସ୍ପଟ)ଗୁଡିକର ମରାମତି କରିବେ । ଏଥିପାଇଁ ନିର୍ଦ୍ଦେଶ ଜାରି ହୋଇଛି । ଏହି ନିର୍ଦ୍ଦେଶ ଅନୁଯାୟୀ ଦୁର୍ଘଟଣାପ୍ରବଣ ସ୍ଥାନ ଚିହ୍ନଟ ଓ ସେହି ରାଜ୍ୟର ପୁଲିସ ମୁଖ୍ୟ ବା ଜିଲ୍ଲା ସଡକ ନିରାପତ୍ତା କମିଟି ସହ ପରାମର୍ଶ କରି ରାସ୍ତା ମରାମତି ପାଇଁ ଜାତୀୟ ରାଜପଥ କର୍ତ୍ତୃପକ୍ଷ 10 ଲକ୍ଷ ଟଙ୍କା ପର୍ଯ୍ୟନ୍ତ ଅର୍ଥ ମଂଜୁର କରିପାରିବେ । ସେହିପରି ଦୁର୍ଘଟଣାପ୍ରବଣ ସ୍ଥାନର ମରାମତି ପାଇଁ 10 ଲକ୍ଷରୁ ଅଧିକ ଓ 25 ଲକ୍ଷରୁ ଅଧିକ ଟଙ୍କା ଆବଶ୍ୟକ ସ୍ଥଳେ ଜାତୀୟ ରାଜପଥ କର୍ତ୍ତୃପକ୍ଷଙ୍କ ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ନିଷ୍ପତ୍ତି ନିଆଯିବ । ବ୍ଲାକସ୍ପଟ ବା ଦୁର୍ଘଟଣାପ୍ରବଣ ସ୍ଥାନ ଚିହ୍ନିତ କରିବା ପାଇଁ କେନ୍ଦ୍ର ସଡକ ପରିବହନ ଓ ଜାତୀୟ ରାଜପଥ ମନ୍ତ୍ରାଳୟ ପକ୍ଷରୁ କିଛିଟା ମାପଦଣ୍ଡ ଚିହ୍ନିଟ କରାଯାଇଛି । ସ୍ୱଳ୍ପମିଆଦୀ ମରାମତି ଯୋଜନାରେ ପଥଚାରୀଙ୍କୁ ଆଗୁଆ ସୂଚନା ସତର୍କତା ସଂକେତ, ଜେବ୍ରା କ୍ରସିଂ, ରେଲିଂ, କ୍ରାଶ ବ୍ୟାରିୟର, ଜଂକସନ ମରାମତି, ସୋଲାର ଲାଇଟ ବ୍ଲିଙ୍କର ଆଦି ସାମିଲ ରହିଛି ।