ଜୁନ ୧୧ରେ ଉଦଘାଟିତ ହେବ ଜାତୀୟ ତାଲିମ ଆଲୋଚନାଚକ୍ର

ଜୁନ ୧୧ରେ ଉଦଘାଟିତ ହେବ ଜାତୀୟ ତାଲିମ ଆଲୋଚନାଚକ୍ର
ରବିବାର (ଜୁନ ୧୧, ୨୦୨୩)ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ପ୍ରଥମ ଜାତୀୟ ତାଲିମ ଆଲୋଚନାଚକ୍ର ଉଦଘାଟନ କରିବେ । କେନ୍ଦ୍ରୀୟ ତାଲିମ ପ୍ରତିଷ୍ଠାନ, ରାଜ୍ୟ ପ୍ରଶାସନିକ ତାଲିମ ପ୍ରତିଷ୍ଠାନ, ଆଞ୍ଚଳିକ ଓ କ୍ଷେତ୍ରୀୟ ତାଲିମ ପ୍ରତିଷ୍ଠାନ ଏବଂ ଗବେଷଣା ପ୍ରତିଷ୍ଠାନଗୁଡିକର ୧୫୦୦ରୁ ଅଧିକ ପ୍ରତିନିଧି ଏହି ଆଲୋଚନାଚକ୍ରରେ ଭାଗ ନେବେ । କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ବିଭାଗର ପ୍ରଶାସକ, ଘରୋଇ କ୍ଷେତ୍ରର ବିଶେଷଜ୍ଞମାନେ ମଧ୍ୟ ଏହି ଆଲୋଚନାଚକ୍ରରେ ଭାଗ ନେବେ । ଆଲୋଚନାଚକ୍ରରେ ପ୍ରତିନିଧିମାନେ ମତ ବିନିମୟ କରିବେ । କାର୍ଯ୍ୟକ୍ଷେତ୍ରର ବିଭିନ୍ନ ସମସ୍ୟା ଓ ଏହାର ସମାଧାନ ପନ୍ଥା ବାହାର କରିବା ତଥା ଦକ୍ଷତା ବିକାଶ ପାଇଁ ବିସ୍ତୃତ ରଣନୀତି ପ୍ରସ୍ତୁତି ପାଇଁ ଆଲୋଚନା କରିବେ । ଆଲୋଚନାଚକ୍ରର ଆଠଟି ପ୍ୟାନେଲ ଆଲୋଚନାରେ ପ୍ରଶାସନିକ ସେବା ପ୍ରଶିକ୍ଷଣ ପ୍ରତିଷ୍ଠାନ ସମ୍ବନ୍ଧିତ ପ୍ରମୁଖ ପ୍ରସଙ୍ଗ ଯେପରିକି ଫ୍ୟାକଲ୍ଟିଂ ଡେଭେଲପମେଣ୍ଟ, ପ୍ରଶିକ୍ଷଣ ପ୍ରଭାବ ମୂଲ୍ୟାୟନ ଓ ବିଷୟବସ୍ତୁ ଡିଜିଟାଇଜେସନ ଆଦି ସମ୍ପର୍କରେ ଆଲୋଚନା ହେବ ।