ଦୁଇଟି ପ୍ରକଳ୍ପ ସ୍ଥାପନ ପାଇଁ ଏନଏଚପିସି ଏବଂ ଗ୍ରିଡ୍କୋ ମଧ୍ୟରେ ବୁଝାମଣା
ଦୁଇଟି ପ୍ରକଳ୍ପ ସ୍ଥାପନ ପାଇଁ ଏନଏଚପିସି ଏବଂ ଗ୍ରିଡ୍କୋ ମଧ୍ୟରେ ବୁଝାମଣା
ରାଜ୍ୟରେ ପମ୍ପଡ୍ ଷ୍ଟୋରେଜ୍ ପ୍ରକଳ୍ପ ଓ ଅକ୍ଷୟ ଶକ୍ତିର ବିକାଶ ପାଇଁ ଏନଏଚପିସି (ଜାତୀୟ ଜଳ ବିଦ୍ୟୁତ ନିଗମ) ଏବଂ ଓଡିଶା ସରକାରଙ୍କ ଗ୍ରିଡକୋ ମଧ୍ୟ ବୁଝାମଣାପତ୍ର ସ୍ୱାକ୍ଷରିତ ହୋଇଛି । ଏହି ବୁଝାମଣାପତ୍ର ଅନୁଯାୟୀ ରାଜ୍ୟରେ ୨ ହଜାର ମେଗାୱାଟର ସ୍ୱୟଂ ଚିହ୍ନିତ ପମ୍ପଡ୍ ଷ୍ଟୋରେଜ୍ ପ୍ରକଳ୍ପ ଏବଂ ୧ ହଜାର ମେଗାୱାଟର ଅକ୍ଷୟ ଶକ୍ତି ପ୍ରକଳ୍ପ (ଭୂମି ଉପରେ ସୌର ପ୍ରକଳ୍ପ/ ଭାସମାନ ସୌର ପ୍ରକଳ୍ପ) ସ୍ଥାପନ କରାଯିବ । ଏହି ବୁଝାମଣାପତ୍ର ଏନଏଚପିସିର କାର୍ଯ୍ୟର୍ନିବାହୀ ନିର୍ଦ୍ଦେଶକ (ରଣନୀତିକ ବ୍ୟବସାୟ ବିକାଶ ଏବଂ ପରାମର୍ଶ) ରଜତ ଗୁପ୍ତା ଏବଂ ଗ୍ରିଡ୍କୋର ପରିଚାଳନା ନିର୍ଦ୍ଦେଶକ ତ୍ରିଲୋଚନ ପଣ୍ଡାଙ୍କ ଦ୍ୱାରା ଜୁନ ୨୩ରେ ସ୍ୱାକ୍ଷରିତ ହୋଇଥିଲା । ଏହି ଅବସରରେ ରାଜ୍ୟ ସରକାରଙ୍କ ଶକ୍ତି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ତଥା ଗ୍ରିଡ୍କୋର ଅଧ୍ୟକ୍ଷ ନିକୁଞ୍ଜ ବିହାରୀ ଧଳ, ଏନଏଚପିସି ଲିମିଟେଡର ନିର୍ଦ୍ଦେଶକ (ପ୍ରକଳ୍ପ) ବିଶ୍ୱଜିତ ବସୁ ଏବଂ ଉଭୟ ସଂସ୍ଥାର ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ ।
What's Your Reaction?
