ଭାରତୀୟ ଦଳ ଇଣ୍ଟରକଣ୍ଟିନେଣ୍ଟାଲ କପ୍ ବିଜେତା
ଭାରତୀୟ ଦଳ ଇଣ୍ଟରକଣ୍ଟିନେଣ୍ଟାଲ କପ୍ ବିଜେତା
ପ୍ରଥମ ଥର ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଖେଳା ଯାଇଥିବା ଇଣ୍ଟରକଣ୍ଟିନେଣ୍ଟାଲ କପ (ଚତୁଃରାଷ୍ଟ୍ରୀୟ ଅନ୍ତର୍ଜାତୀୟ ଫୁଟ୍ବଲ୍ ପ୍ରତିଯୋଗିତା) ଫାଇନାଲ୍ରେ ଭାରତ ୨-୦ ଗୋଲ୍ରେ ଲେବାନନ୍କୁ ହରାଇଛି । ଭାରତୀୟ ଦଳର ଅଧିନାୟକ ସୁନିଲ ଛେତ୍ରୀ (୪୬ ମିନିଟ୍) ଓ ଲାଲଲିଆଞ୍ଜୁଆଲା ଚାଙ୍ଗ୍ଟେ (୬୬ ମିନିଟ୍) ଗୋଟିଏ ଲେଖାଏଁ ଗୋଲ୍ ଦେଇ ଭାରତର ବିଜୟରେ ପ୍ରମୁଖ ଭୂମିକା ତୁଲାଇଥିଲେ । ୩୮ ବର୍ଷୀୟ ଛେତ୍ରୀ ତାଙ୍କ ୮୬ତମ ଅନ୍ତର୍ଜାତୀୟ ଗୋଲ୍ ଦେଇଥିଲେ । ରବିବାର ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ବିଜେତା ଦଳକୁ ଟ୍ରଫି ପ୍ରଦାନ କରିଥିଲେ । ଟ୍ରଫି ପ୍ରଦାନ ପରେ ମୁଖ୍ୟମନ୍ତ୍ରୀ ଭାରତୀୟ ଦଳ ପାଇଁ ଏକ କୋଟି ଟଙ୍କାର ପୁରସ୍କାର ଘୋଷଣା କରିଛନ୍ତି । ତେବେ ଏହି ପୁରସ୍କାର ରାଶିରୁ ୨୦ ଲକ୍ଷ ଟଙ୍କା ବାହାନଗା ଟ୍ରେନ ଦୁର୍ଘଟଣାରେ ପୀଡିତମାନଙ୍କୁ ପ୍ରଦାନ କରିବାକୁ ଭାରତୀୟ ଫୁଟବଲ ଦଳ ନିଷ୍ପତ୍ତି ନେଇ ନିଜ ମହନୀୟତାର ପରିଚୟ ଦେଇଛି ।
What's Your Reaction?
