ପୋଲ ଭୁଷୁଡିବା ଘଟଣାର ଅନୁଧ୍ୟାନ ହେବ

ପୋଲ ଭୁଷୁଡିବା ଘଟଣାର ଅନୁଧ୍ୟାନ ହେବ
ମଙ୍ଗଳବାର ୧୬ ନମ୍ବର ଜାତୀୟ ରାଜପଥ ରସୁଲପୁର ବ୍ଲକ ଛକରେ ଏକ ପୋଲ ଭୁଶୁଡ଼ିବା ଘଟଣାର ସ୍ଥିତି ଅନୁଧ୍ୟାନ କରିଛନ୍ତି ଏନଏଚଏଆଇ ପ୍ରକଳ୍ପ ନିର୍ଦ୍ଦେଶକ ଜି.ପି ବର୍ମା । ଏହି ଘଟଣାର ତଦନ୍ତ ପାଇଁ ବିଶେଷଜ୍ଞ ଦଳ ଆସି ତଦନ୍ତ କରିବା ପରେ ଚୂଡାନ୍ତ ରିପୋର୍ଟ ଦେବେ । ୨୦୦୮ରେ ବ୍ରିଜ ନିର୍ମାଣ ହୋଇଥିଲା, ୫୦ ବର୍ଷ ସୁରକ୍ଷିତ ରହିବା କଥା। ହେଲେ ୧୫ ବର୍ଷ ପରେ କିପରି ପୋଲ ଭୁଶୁଡ଼ିଲା ସେ ନେଇ ନିର୍ମାଣଗତ ତ୍ରୁଟି ଦାୟୀ ବୋଲି ସେ ପ୍ରାଥମିକ ଭାବେ କହିଛନ୍ତି । ଉଲ୍ଲେଖଯୋଗ୍ୟ, ମଙ୍ଗଳବାର ୧୬ ନମ୍ବର ଜାତୀୟ ରାଜପଥ ରସୁଲପୁର ବ୍ଲକ ଛକରେ ଥିବା ପୋଲ ଭୁଶୁଡ଼ି ପଡ଼ିଛି । ତେବେ ଏଥିରୁ ଅଳ୍ପକେ ବର୍ତିଛନ୍ତି ଏକାଧିକ ବସ ଓ ଟ୍ରକ । ଫଳରେ ଜାତୀୟ ରାଜପଥରେ ଯାତାୟତ ବାଧାପ୍ରାପ୍ତ ହୋଇଛି ।