ଗ୍ଲୋବାଲ ୱାର୍ମିଂର ପ୍ରଭାବ, ଲଦାଖରେ ସୃଷ୍ଟି ହୋଇପାରେ ତିନିଟି ହ୍ରଦ!

ଗ୍ଲୋବାଲ ୱାର୍ମିଂର ପ୍ରଭାବ, ଲଦାଖରେ ସୃଷ୍ଟି ହୋଇପାରେ ତିନିଟି ହ୍ରଦ!
ଗ୍ଲୋବାଲ ୱାର୍ମିଂର ପ୍ରଭାବ ଯୋଗୁଁ ଲଦାଖର ପାର୍କଚିକ ଗ୍ଲେସିୟର ପଛକୁ ହଟି ଚାଲିଛି । ଫଳରେ ତିନିଟି ହ୍ରହ ସୃଷ୍ଟି ହେବାର ସମ୍ଭାବନା ରହିଛି ବୋଲି ବୈଜ୍ଞାନିକ ଗବେଷଣାରୁ ଜଣାପଡିଛି । ସବଗ୍ଲେସିୟଲ ଓଭର ଡିପେନିଂ ଯୋଗୁଁ ଲଦାଖର ପାର୍କଚିକ ଗ୍ଲେସିୟରରେ ଭିନ୍ନ ଭିନ୍ନ ଆକାରର ତିନିଟି ହ୍ରଦ ସୃଷ୍ଟିର ସମ୍ଭାବନା ରହିଛି । ଗ୍ଲେସିୟର ଦ୍ୱାରା ନଷ୍ଟ ହୋଇଥିବା ଅବବାହିକା ଓ ଉପତ୍ୟକାର ଏହା ଏକ ବୈଶିଷ୍ଟ୍ୟ ବୋଲି ଜଣାପଡିଛି । ହିମାଳୟର ଗ୍ଲେସିୟର ଉପରେ ପ୍ରାୟ ଏକ ଶହ ବର୍ଷରୁ ଅଧିକ ଧରି ଗବେଷଣା ଜାରି ରହିଛି । ଏଥିପାଇଁ କ୍ଷେତ୍ରଭିତ୍ତିକ ତଦନ୍ତ ଠାରୁ ଆରମ୍ଭ କରି ଅତ୍ୟାଧୁନିକ ରିମୋଟ ସେନ୍ସିଂ ପରୀକ୍ଷଣ ଜାରି ରହିଛି । 2015ରୁ 2021 ମଧ୍ୟରେ ହୋଇଥିବା ଦୈନନ୍ଦିନ ପରୀକ୍ଷଣରୁ ଜଣାପଡିଛି ପାର୍କଚିକ୍ ଗ୍ଲେସିୟର ପଛକୁ ହଟିଛି । ସେହିପରି ଲ୍ୟାଣ୍ଡସ୍ୟାଟ ତଥ୍ୟରୁ ମଧ୍ୟ ଗ୍ଲେସିୟର ପଛକୁ ହଟୁଥିବା ସ୍ପଷ୍ଟ ହୋଇଛି । ଯଦି ଏହିପରି ପଛକୁ ହଟିଚାଲେ ତେବେ ସବଗ୍ଲେସିୟଲ ଅଧିକ ଗଭୀର ହେବା ଯୋଗୁଁ ଭିନ୍ନ ଭିନ୍ନ ଆକାରର ତିନିଟି ହ୍ରଦ ସୃଷ୍ଟି ହୋଇପାରେ ବୋଲି ଗବେଷକମାନେ ମତ ଦେଇଛନ୍ତି ।