ଇଟାଲୀର ପୂର୍ବତନ ପ୍ରଧାନମନ୍ତ୍ରୀ ସିଲିଭିଓ ବର୍ଲୁସ୍କୋନିଙ୍କ ପରଲୋକ

ଇଟାଲୀର ପୂର୍ବତନ ପ୍ରଧାନମନ୍ତ୍ରୀ ସିଲିଭିଓ ବର୍ଲୁସ୍କୋନିଙ୍କ ପରଲୋକ
ଇଟାଲୀର ପୂର୍ବତନ ପ୍ରଧାନମନ୍ତ୍ରୀ ତଥା ବିଶିଷ୍ଟ ବ୍ୟବସାୟୀ ସିଲିଭିଓ ବର୍ଲୁସ୍କୋନିଙ୍କ 86 ବର୍ଷ ବୟସରେ ମିଲାନର ଏକ ଡାକ୍ତରଖାନାରେ ମୃତ୍ୟୁ ହୋଇଛି । ସେ କିଛିଦିନ ଧରି ଲ୍ୟୁକେମିଆରେ ପୀଡିତ ଥିଲେ । ବର୍ଲୁସ୍କୋନି 1994-95, 2001-2006 ଓ 2008-11 ପର୍ଯ୍ୟନ୍ତ ଇଟାଲୀର ପ୍ରଧାନମନ୍ତ୍ରୀ ଥିଲେ । ଜଣେ ସଫଳ ବ୍ୟବସାୟୀ ଭାବେ ନିଜକୁ ପ୍ରତିଷ୍ଠିତ କରାଇବା ପରେ 1994ରେ ରାଜନୀତିରେ ପ୍ରବେଶ କରିଥିବା ସିଲିଭିଓ ଇଟାଲୀକୁ ଋଣଯନ୍ତାରୁ ମୁକୁଲାଇ ଅର୍ଥନୀତିକୁ ନୂତନ ଦିଗ ପ୍ରଦାନ କରିଥିଲେ । ନିଜ ରାଜନୈତିକ ଜୀବନରେ ଅନେକ ବିବାଦରେ ଛନ୍ଦି ହୋଇ ପଡିଥିବା ବର୍ଲୁସ୍କୋନିଙ୍କୁ କିଛି ବର୍ଷ ପାଇଁ ରାଜନୀତିରୁ ଦୂରେଇ ଯିବାକୁ ପଡିଥିଲା । ସେ 2019ରେ ପୁଣି ସିନେଟକୁ ନିର୍ବାଚିତ ହୋଇଥିଲେ ବି ରାଜନୀତିରେ ସେତେଟା ସକ୍ରିୟ ରହିନଥିଲେ ।