ରଜ ପାଇଁ ପିଠା କାଉଣ୍ଟର ଖୋଲିବ ଓଟିଡିସି

ରଜ ପାଇଁ ପିଠା କାଉଣ୍ଟର ଖୋଲିବ ଓଟିଡିସି
ମଙ୍ଗଳବାର ଭୁବନେଶ୍ୱରର ଓଡ଼ିଶା ପର୍ଯ୍ୟଟନ ବିକାଶ ନିଗମ (ଓଟିଡିସି) ପାନ୍ଥାନିବାସରେ ରଜ ମହୋତ୍ସବ ଉଦଘାଟିତ ହୋଇଛି । ଏହି କାର୍ଯ୍ୟକ୍ରମରେ ପର୍ଯ୍ୟଟନ ମନ୍ତ୍ରୀ ଅଶ୍ୱିନୀ କୁମାର ପାତ୍ର ରଜ ମହୋତ୍ସବ ଉଦଘାଟନ କରିଛନ୍ତି । ଜୁନ 14 ରୁ 16 ପର୍ଯ୍ୟନ୍ତ ଏହି ତିନି ଦିନିଆ ରଜ ମହୋତ୍ସବ ପାଳିତ ହେବ । ଏହି ଅବସରରେ ଓଟି଼ଡିସି ଅଧ୍ୟକ୍ଷ ଲେନିନ୍ ମହାନ୍ତି ଏବଂ ସାଧାରଣ ପ୍ରବନ୍ଧକ ଲଗ୍ନଜିତ ରାଉତ ଉପସ୍ଥିତ ଥିଲେ । ରଜ ମହୋତ୍ସବ ଅବସରରେ ଭୁବନେଶ୍ୱରର ନିମନ୍ତ୍ରଣ ରେସ୍ତୋରାଁ ଓ କଟକର ସିଲଭର ସିଟି ବୋଟ କ୍ଲବ ସମେତ ଓଟିଡିସିର ସମସ୍ତ ପାନ୍ଥନିବାସରେ ସୁସ୍ୱାଦୁ ଖାଦ୍ୟ ଏବଂ ମିଠା ବିକ୍ରି ହେବ । ସେହିପରି ପାରମ୍ପରିକ ରଜ ଦୋଳି ଲଗାଯାଇଛି ଓ ଏହି ତିନି ଦିନ ଓଟିଡିସି ପାନ୍ଥନିବାସରେ ଆଗ୍ରହୀମାନେ ମେହେନ୍ଦି କରାଇପାରିବେ । ସେହିପରି ରଜ ପିଠା ସମସ୍ତଙ୍କ ପାଖରେ ପହଞ୍ଚାଇବା ପାଇଁ 'ପିଠା ଅନ୍ ହ୍ୱିଲ୍ସ' ନିୟୋଜିତ ହୋଇଛି । ଭୁବନେଶ୍ୱରର ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ସକାଳ 8ରୁ ଅପରାହ୍ନ 5ଟା ଯାଏଁ ଏହା ରହିବ ।