ଶିମିଳିପାଳ ଫରେଷ୍ଟର ହତ୍ୟା ଘଟଣାରେ ୧୦ ଗିରଫ 

ଶିମିଳିପାଳ ଫରେଷ୍ଟର ହତ୍ୟା ଘଟଣାରେ ୧୦ ଗିରଫ 
ଶିମିଳିପାଳ ଅଭୟାରଣ୍ୟରେ ଜୁନ ୧୬ ବିଳମ୍ବିତ ରାତିରେ ଶିକାରୀଙ୍କ ଗୁଳିରେ ଫରେଷ୍ଟରଙ୍କ ମୃତ୍ୟୁ ଘଟଣାରେ ପୁଲିସ ୧୦ ଅଭିଯୁକ୍ତଙ୍କୁ ଗିରଫ କରିଛି । ଉଲ୍ଲେଖଯୋଗ୍ୟ, ଶିମିଳିପାଳ ଅଭୟାରଣ୍ୟର କେନ୍ଦୁମୁଣ୍ଡି-ବାରାକାମୁଡା ସେକ୍ସନ ଗାମୁଛାଝରଣ ନିକଟରେ ଜୁନ ୧୬ ବିଳମ୍ବିତ ରାତିରେ ଶିକାରୀ ଗୁଳିରେ ଫରେଷ୍ଟର ମାଟି ହାଁସଦାଙ୍କ ମୃତ୍ୟୁ ହୋଇଥିଲା । ଗିରଫ ଶିକାରିମାନେ ହେଲେ ଠାକୁରମୁଣ୍ଡା ଥାନା ଅନ୍ତର୍ଗତ ଏଦଲାବେଡା ଗାଁର ତୁରୀ କଣ୍ଡେୟାନ(୩୦), ରମାଇ କଣ୍ଡେୟାନ(୬୧), ମୋରା ହୋ(୪୩), ମାଣିକରାମ କଣ୍ଡେୟାନ(୪୩), ଗୋପବନ୍ଧୁ କଣ୍ଡେୟାନ(୩୨), ଦିଲ୍ଲୀପ କଣ୍ଡେୟାନ(୨୫), ରାମସିଂ ଗୁଣ୍ଡୁଆ(୩୪), ସିଂହ ହୋ(୩୨), ଗମେୟା ହୋ(୨୫) ଓ ଚମ୍ପାଇ ହୋ(୨୬)। ସେମାନଙ୍କ ନିକଟରୁ ୨ଟି ଦେଶି ବନ୍ଧୁକ, ଗୋଟିଏ ବାଉଁଶ ଠେଙ୍ଗା, ୨ଟି ଧନୁ ଓ ୩ଟି ତୀର ଏବଂ ଅନ୍ୟାନ୍ୟ ଜିନିଷ ପୁଲିସ ଜବତ କରିଥିବା ଏସପି ବାତୁଲ ଗଙ୍ଗାଧର ଗଣମାଧ୍ୟମକୁ କହିଛନ୍ତି । ଉକ୍ତ ଘଟଣାରେ ସଂପୃକ୍ତ ଆଉ ଦୁଇ ଶିକାରିଙ୍କୁ ଧରିବା ପାଇଁ ପୁଲିସ ଉଦ୍ୟମ ଜାରି ରଖିଛି ।