ଜୁନ ୧୯ରୁ ଯୁକ୍ତ ଦୁଇ ତତ୍କାଳ ପରୀକ୍ଷା ଫର୍ମ ପୂରଣ

ଜୁନ ୧୯ରୁ ଯୁକ୍ତ ଦୁଇ ତତ୍କାଳ ପରୀକ୍ଷା ଫର୍ମ ପୂରଣ
ଜୁନ ୧୯ରୁ ଯୁକ୍ତ ଦୁଇ ତତ୍କାଳ (ଇନଷ୍ଟାଣ୍ଟ) ପରୀକ୍ଷା ପାଇଁ ଫର୍ମ ପୂରଣ ଆରମ୍ଭ ହେବ । ଏହି ପ୍ରକ୍ରିୟା ଜୁନ ୨୬ ପର୍ଯ୍ୟନ୍ତ ଚାଲିବା ସମ୍ପର୍କରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ବିଜ୍ଞପ୍ତି ଜାରି ହୋଇଛି । ବିଜ୍ଞପ୍ତି ଅନୁଯାୟୀ ଜୁନ ୨୭ରୁ ୨୮ ପର୍ଯ୍ୟନ୍ତ ପରୀକ୍ଷା ଫି’ ପୈଠ ହେବ । ନନ-ପ୍ରାକ୍ଟିକାଲ ବିଷୟ ପାଇଁ ଆବେଦନ କରୁଥିଲେ ୫୨୦ଟଙ୍କା, ପ୍ରାକ୍ଟିକାଲ/ପ୍ରୋଜେକ୍ଟ ପେପର (ବାୟୋଲଜିକୁ ବାଦ୍ ଦେଇ) ଲାଗି ଆବେଦନକାରୀଙ୍କୁ ୫୬୦ ଟଙ୍କା ଏବଂ ବାୟୋଲଜି ବିଷୟ ପାଇଁ ଆବେଦନକାରୀଙ୍କ ପାଇଁ ୬୪୦ ଟଙ୍କା ଫି’ ଧାର୍ଯ୍ୟ ହୋଇଛି । ଜୁଲାଇ ୧୩ ଏବଂ ୧୪ରେ ତତ୍କାଳ ପରୀକ୍ଷା ହେବ । କଳା, ବିଜ୍ଞାନ, ବାଣିଜ୍ୟ ଓ ଧନ୍ଦାମୂଳକ ଶିକ୍ଷାରେ ଏଗ୍ରିଗେଟ୍ ୨୧୦ ନମ୍ବର ରଖି ଗୋଟିଏ ବିଷୟରେ ଅକୃତକାର୍ଯ୍ୟ ୧୨୨୭ ଛାତ୍ରଛାତ୍ରୀ ତତ୍କାଳ ପରୀକ୍ଷା ଦେଇପାରିବେ । ଅନ୍ୟ ପକ୍ଷରେ ଯୁକ୍ତ ଦୁଇ ବାର୍ଷିକ ପରୀକ୍ଷାରେ ଯେଉଁ ଛାତ୍ରଛାତ୍ରୀଙ୍କ କମ୍ ନମ୍ବର ରହିଥିବା ଅଭିଯୋଗ କରିଛନ୍ତି, ସେମାନଙ୍କ ଲାଗି ରିଆଡିସନ୍ ବା ପୁନଃଯାଞ୍ଚ ପ୍ରକ୍ରିୟା ମଙ୍ଗଳବାର ଠାରୁ ଆରମ୍ଭ ହେବ ।