ଶାଶ୍ଵତ ମିଶ୍ର ମୁଖ୍ୟମନ୍ତ୍ରୀଙ୍କ ପ୍ରମୁଖ ସଚିବ ନିଯୁକ୍ତ

ଭୁବନେଶ୍ୱର: ସରଧାବାଲି ଦଳାଚକଟା ପରେ ବଡ଼ ଧରଣର ପ୍ରଶାସନିକ ଅଦଳବଦଳ ହୋଇଛି। ଓଡ଼ିଶା ସରକାର ୧୯୯୬ ବ୍ୟାଚ୍ ଆଇଏଏସ୍ ଅଧିକାରୀ ଶାଶ୍ଵତ ମିଶ୍ରଙ୍କୁ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ପ୍ରମୁଖ ସଚିବ ଭାବରେ ନିଯୁକ୍ତି ଦେଇଛନ୍ତି।

କେନ୍ଦ୍ର କ୍ୟାବିନେଟର ନିଯୁକ୍ତି କମିଟି ଦ୍ୱାରା ସଂସଦୀୟ ବ୍ୟାପାର ମନ୍ତ୍ରଣାଳୟରେ ସ୍ୱତନ୍ତ୍ର ଦାୟିତ୍ୱରେ ଥିବା ଅଧିକାରୀ ଭାବରେ ନିଯୁକ୍ତ ହେବା ପରେ ନିକୁଞ୍ଜ ବିହାରୀ ଧଳଙ୍କୁ ମେ ୨ ତାରିଖରୁ ରାଜ୍ୟ ସରକାରଙ୍କଠାରୁ ମୁକ୍ତ କରାଯିବା ପରଠାରୁ ଏହି ପଦବୀ ଖାଲି ପଡ଼ିଥିଲା।

ମିଶ୍ର ବର୍ତ୍ତମାନ ଇଡକୋର ଅଧ୍ୟକ୍ଷ ଭାବରେ ଅତିରିକ୍ତ ଦାୟିତ୍ୱ ସହିତ ଅର୍ଥ ବିଭାଗର ପ୍ରମୁଖ ସଚିବ ଭାବରେ କାର୍ଯ୍ୟ କରୁଛନ୍ତି। ସାଧାରଣ ପ୍ରଶାସନ ବିଭାଗ ଦ୍ୱାରା ଜାରି ଏକ ବିଜ୍ଞପ୍ତିରେ କୁହାଯାଇଛି ଯେ, ସେ ତାଙ୍କର ନୂତନ ଦାୟିତ୍ୱ ସହିତ ଏହି ପଦବୀଗୁଡ଼ିକୁ ବଜାୟ ରଖିବେ।

ଆଜି ସକାଳେ, ସରକାର ରଥଯାତ୍ରାର ସାମଗ୍ରିକ ପ୍ରଭାରୀ ଭାବରେ ପୂର୍ବତନ ପୁରୀ କଲେକ୍ଟର IAS ଅଧିକାରୀ ଅରବିନ୍ଦ ଅଗ୍ରୱାଲଙ୍କୁ ଏବଂ ଭୁବନେଶ୍ୱର-କଟକ କମିଶନରେଟର ପୋଲିସ କମିଶନର ଭାବରେ କାର୍ଯ୍ୟ କରିଥିବା IPS ଅଧିକାରୀ SK ପ୍ରିୟଦର୍ଶୀଙ୍କୁ ସାଧାରଣ ପୋଲିସ ବ୍ୟବସ୍ଥାର ସାମଗ୍ରିକ ପ୍ରଭାରୀ ଭାବରେ ନିଯୁକ୍ତ କରିଥିଲେ। ଯାହା ଦ୍ଵାରା ସାଧାରଣ ଲୋକଙ୍କ ବିଶ୍ୱାସ ଫେରାଇ ଆଣଯାଇ ଆଡ଼ପ ବିଜେ, ବାହୁଡା ଏବଂ ସୁନା ବେଶ ସମେତ ବାକି ରୀତିନୀତିଗୁଡ଼ିକର ସୁଗମ ପରିଚାଳନା ସୁନିଶ୍ଚିତ ହୋଇପାରିବ।