ମାଗଣା ସିଲେଇ ମେସିନ ଯୋଜନା ପାଇଁ ଆବେଦନ ଆରମ୍ଭ

ଆସନ୍ତୁ ଜାଣିବା କିପରି ଭରିବେ ଫର୍ମ

ମାଗଣା ସିଲେଇ ମେସିନ୍ ଯୋଜନା- 

ଭାରତ ସରକାର ମହିଳାମାନଙ୍କୁ ନିଜର ରୋଜଗାର ଆରମ୍ଭ କରିବା ଏବଂ ଆତ୍ମନିର୍ଭରଶୀଳ ହେବା ପାଇଁ ନିରନ୍ତର ନୂତନ ପଦକ୍ଷେପ ନେଉଛନ୍ତି। ଏହିପରି ଏକ ପଦକ୍ଷେପ ହେଉଛି ମାଗଣା ସିଲେଇ ମେସିନ୍ ଯୋଜନା। ଏହି ଯୋଜନା ବିଶେଷ ଭାବରେ ସେହି ମହିଳାମାନଙ୍କ ପାଇଁ ଡିଜାଇନ୍ କରାଯାଇଛି ଯେଉଁମାନେ ଆର୍ଥିକ ଦୃଷ୍ଟିରୁ ଦୁର୍ବଳ ଏବଂ ଘରୁ କାମ କରି ନିଜ ଜୀବନକୁ ଉନ୍ନତ କରିବାକୁ ଚାହାଁନ୍ତି। ଏହି ଯୋଜନା ମାଧ୍ୟମରେ, ସରକାର ମହିଳାମାନଙ୍କୁ ମାଗଣା ସିଲେଇ ମେସିନ୍ ଯୋଗାଇ ଦେବା ସହ ସେମାନଙ୍କୁ ସିଲାଇ ତାଲିମ ମଧ୍ୟ ପ୍ରଦାନ କରିବେ। ଆସନ୍ତୁ ଏହି ଯୋଜନା ବିଷୟରେ ବିସ୍ତୃତ ଭାବରେ ଜାଣିବା।

ଏହି ଯୋଜନାଟି ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା ଅଧୀନରେ ଆସୁଛି, ଯାହାର ଲକ୍ଷ୍ୟ କ୍ଷୁଦ୍ର ଏବଂ ମଧ୍ୟମ ବ୍ୟବସାୟକୁ ପ୍ରୋତ୍ସାହିତ କରିବା। ଏହି ଯୋଜନା ମାଧ୍ୟମରେ, ଲକ୍ଷ ଲକ୍ଷ ମହିଳା ନିଜର ବ୍ୟବସାୟ ଆରମ୍ଭ କରିପାରିବେ ଏବଂ ଘରେ ବସି ମଧ୍ଯ ଆର୍ଥିକ ଭାବରେ ସ୍ୱାବଲମ୍ବୀ ହୋଇପାରିବେ। 

ଏହି ଯୋଜନାରେ, ଆପଣ ସିଲେଇ ମେସିନ୍ ପାଇବେ ସହ ସିଲେଇ ତାଲିମ ମଧ୍ୟ ପାଇବେ। ମେସିନ୍ ସହିତ ୧୫,୦୦୦ ଟଙ୍କା ଆର୍ଥିକ ସହାୟତା ମଧ୍ୟ ଦିଆଯାଏ। ଏଥିରେ ଆପଣ ସିଲେଇ ସହିତ ଜଡ଼ିତ ଆବଶ୍ୟକୀୟ ଜିନିଷ କିଣିପାରିବେ। ତାଲିମ ସମାପ୍ତ ହେବା ପରେ, ଆପଣଙ୍କୁ ଏକ ପ୍ରମାଣପତ୍ର ମଧ୍ୟ ଦିଆ ଯିବ। 

କେଉଁ ମହିଳାମାନେ ଆବେଦନ କରିପାରିବେ?

ଯେଉଁ ମହିଳାମାନେ ଏହି ସର୍ତ୍ତ ପୂରଣ କରୁଥିବେ କେବଳ ସେହିମାନେ ଏହି ଯୋଜନାର ଲାଭ ପାଇବେ।

୧) ଆପଣ ଭାରତର ନାଗରିକ ହୋଇଥିବେ।

୨) ଆପଣଙ୍କ ବୟସ ୨୧ ରୁ ୪୦ ବର୍ଷ ମଧ୍ୟରେ ହୋଇଥିବ।

୩) ସରକାରୀ ଚାକିରି କରୁଥିବା କିମ୍ବା ସ୍ଥାୟୀ ସରକାରୀ କର୍ମଚାରୀ ଥିବା ମହିଳାମାନେ ଏହି ଯୋଜନା ପାଇଁ ଯୋଗ୍ୟ ନୁହଁନ୍ତି।

୪) ଆପଣଙ୍କର ବାର୍ଷିକ ଆୟ ₹୨ ଲକ୍ଷରୁ ଅଧିକ ହୋଇନଥିବ। 

୫) ଆପଣ ଆୟକରଦାତା ହୋଇନଥିବେ।

ଆବେଦନ ପାଇଁ କଣ କାଗଜପତ୍ର ଆବଶ୍ୟକ?

ଆବେଦନ କରିବା ପୂର୍ବରୁ ଏହି କାଗଜପତ୍ର ସବୁ ପ୍ରସ୍ତୁତ ରଖନ୍ତୁ:

* ଆଧାର କାର୍ଡ (ପରିଚୟ ପାଇଁ)

* ଆବାସ ପ୍ରମାଣପତ୍ର

* ଜାତି ପ୍ରମାଣପତ୍ର (ଯଦି ଆପଣ ଅନୁସୂଚିତ ଜାତି, ଜନଜାତି କିମ୍ବା ଅନ୍ୟାନ୍ୟ ପଛୁଆ ବର୍ଗର ଅଟନ୍ତି)

* BPL କାର୍ଡ (ଯଦି ଆପଣଙ୍କର ଅଛି)

* ଆୟ ପ୍ରମାଣପତ୍ର

* ପାନ୍ କାର୍ଡ

* ବ୍ୟାଙ୍କ ପାସବୁକ୍ (ଆକାଉଣ୍ଟ ସୂଚନା ପାଇଁ)

ଏହି କାଗଜପତ୍ରଗୁଡ଼ିକୁ ସମ୍ପୂର୍ଣ୍ଣ ଏବଂ ସଠିକ୍ ଭାବରେ ପ୍ରସ୍ତୁତ ରଖନ୍ତୁ ଯାହା ଦ୍ଵାରା ଆବେଦନ ପ୍ରକ୍ରିୟାରେ କୌଣସି ଅସୁବିଧା ନହୁଏ। ବିଶେଷକରି ଆୟ ପ୍ରମାଣପତ୍ର ଗୁରୁତ୍ୱପୂର୍ଣ୍ଣ ଯାହା ଦ୍ଵାରା ଏହା ପ୍ରମାଣିତ ହୋଇପାରିବ ଯେ ଆପଣଙ୍କର ଆୟ ଯୋଜନାର ନିର୍ଦ୍ଧାରିତ ସୀମା ମଧ୍ୟରେ ଅଛି।

ଅନଲାଇନରେ କିପରି ଆବେଦନ କରିବେ?

ପ୍ରଥମେ ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନାର ସରକାରୀ ୱେବସାଇଟ୍ କୁ ଯାଆନ୍ତୁ।

ସେଠାରେ "ମାଗଣା ସିଲେଇ ମେସିନ୍ ଯୋଜନା"ର ଆବେଦନ ଫର୍ମ ଖୋଜନ୍ତୁ ଏବଂ ସେଥିରେ କ୍ଲିକ୍ କରନ୍ତୁ।

ଆପଣଙ୍କର ମୋବାଇଲ୍ ନମ୍ବର ଏବଂ ଆଧାର ନମ୍ବର ପ୍ରବେଶ କରନ୍ତୁ।

ମୋବାଇଲରେ ପ୍ରାପ୍ତ OTP ସହିତ ଯାଞ୍ଚ କରନ୍ତୁ।

ଏହା ପରେ ଆବେଦନ ଫର୍ମରେ ମଗାଯାଇଥିବା ସମସ୍ତ ସୂଚନାକୁ ସତର୍କତାର ସହିତ ପୂରଣ କରନ୍ତୁ।

ଆଧାର କାର୍ଡ, ଆୟ ପ୍ରମାଣପତ୍ର ଇତ୍ୟାଦି ଡକ୍ୟୁମେଣ୍ଟ ଅପଲୋଡ୍ କରନ୍ତୁ।

ଫର୍ମ ଦାଖଲ କରନ୍ତୁ ଏବଂ ଏହାର ଏକ ପ୍ରିଣ୍ଟଆଉଟ୍ ନିଅନ୍ତୁ ଏବଂ ଭବିଷ୍ୟତ ପାଇଁ ରଖନ୍ତୁ।

କେବଳ ଏତିକି ନୁହେଁ, ଯଦି ଅନଲାଇନରେ ଆବେଦନ କରିବାରେ କୌଣସି ସମସ୍ୟା ହୁଏ, ତେବେ ଆପଣ ନିକଟସ୍ଥ ସରକାରୀ କାର୍ଯ୍ୟାଳୟକୁ ଯାଇ ସାହାଯ୍ୟ ମଧ୍ୟ ପାଇପାରିବେ।

ମନେରଖନ୍ତୁ, ସରକାର ବେଳେବେଳେ ଏହି ଯୋଜନାରେ ପରିବର୍ତ୍ତନ କରିଥାନ୍ତି, ତେଣୁ ଆବେଦନ କରିବା ପୂର୍ବରୁ, ସରକାରୀ ୱେବସାଇଟ୍ ପରିଦର୍ଶନ କରି ସର୍ବଶେଷ ସୂଚନା ଯାଞ୍ଚ କରନ୍ତୁ।