ଭାରତରେ ସକ୍ରିୟ କୋଭିଡ୍ ମାମଲା ପାଖାପାଖି ୬୫୦୦

'ନୂତନ XFG ଭରିଆଣ୍ଟ' ମିଳିଥିବା INSACOGର ସୂଚନା 

ଦେଶରେ ମୋଟ କୋଭିଡ୍ ଆକ୍ରାନ୍ତ ସଂଖ୍ୟା ୬, ୪୯୧ରେ ପହଞ୍ଚିଥିବା ବେଳେ ଓଡ଼ିଶାରେ କରୋନା ରୋଗୀଙ୍କ ସଂଖ୍ୟା ୫୦ ଟପିଥିବା ସ୍ଵାସ୍ଥ୍ୟ ବିଭାଗ ସୂଚନା ଦେଇଛି। ବର୍ତ୍ତମାନ ସୁଦ୍ଧା ରାଜ୍ୟର ମୋଟ୍ କୋଭିଡ୍‌ ରୋଗୀଙ୍କ ସଂଖ୍ୟା ୫୬ରେ ପହଞ୍ଚିଛି। କୋଭିଡ-୧୯ କିମ୍ବା ଫ୍ଲୁ ଭଳି ରୋଗର ଲକ୍ଷଣ ଥିଲେ ଘରେ ରହିବାକୁ ସ୍ୱାସ୍ଥ୍ୟ ବିଭାଗ ପରାମର୍ଶ ଦେଇଛନ୍ତି । ଲକ୍ଷଣ ଅନୁଭବ କଲେ ସମାବେଶରୁ ଦୂରେଇ ରହିବା ସହ ନିଜକୁ ଅଲଗା ରଖିବା ଉଚିତ୍। ନୂତନ ଷ୍ଟ୍ରେନ ଅଧିକ ବିପଦପୂର୍ଣ୍ଣ ହୋଇ ନଥିଲେ ବି ସତର୍କ ରହିବାକୁ ବିଭାଗ ପକ୍ଷରୁ ପରାମର୍ଶ ଦିଆଯାଇଛି।

XFG ଭାରିଆଣ୍ଟ କ’ଣ?

XFG ଭାରିଆଣ୍ଟ ହେଉଛି କରୋନାଭାଇରସ୍‌ର Omicron ସବଭେରିଆଣ୍ଟର ଏକ ବଂଶଧର। The Lancet ଦ୍ୱାରା ଜାରି ଏକ ଅଧ୍ୟୟନ ଅନୁସାରେ, ଏହି ଭାରିଆଣ୍ଟ ପ୍ରାରମ୍ଭିକ ଭାବରେ କାନାଡାରେ ଚିହ୍ନଟ ହୋଇଥିଲା।

ତଥାପି, "LF.7 ଏବଂ LP.8.1.2 ରୁ ଉତ୍ପନ୍ନ XFG ଭାରିଆଣ୍ଟରେ ଚାରୋଟି ପ୍ରମୁଖ ସ୍ପାଇକ୍ ମ୍ୟୁଟେସନ୍ (His445Arg, Asn487Asp, Gln493Glu, ଏବଂ Thr572Ile) ରହିଛି ଏବଂ ଏହା ଦ୍ରୁତ ବିଶ୍ୱ ବ୍ୟାପିବା ହାସଲ କରିଛି," ବୋଲି ଅଧ୍ୟୟନରେ ଆହୁରି କୁହାଯାଇଛି।