ହାର୍ଭାର୍ଡରେ ବିଦେଶୀ ଛାତ୍ରଙ୍କ ନାମଲେଖା ରୋକ୍ ଉପରେ କାହିଁକି ରୋକ୍ ଲଗାଇଲେ ଆମେରିକୀୟ ବିଚାରପତି

ହାର୍ଭାର୍ଡ ବିଶ୍ୱବିଦ୍ୟାଳୟର ଆନ୍ତର୍ଜାତୀୟ ଛାତ୍ରଙ୍କ ନାମଲେଖା ବାତିଲ କରିବା ପାଇଁ ଟ୍ରମ୍ପ ପ୍ରଶାସନର ନିଷ୍ପତ୍ତିକୁ ଆମେରିକାର ଏକ କୋର୍ଟ ନାପସନ୍ଦ କରିଛନ୍ତି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ହାର୍ଭାର୍ଡ ବିଶ୍ୱବିଦ୍ୟାଳୟ ମଧ୍ୟରେ ଚାଲିଥିବା ବିବାଦ କ୍ରମେ ଘନୀଭୂତ ହେବାରେ ଲାଗିଛି। ଟ୍ରମ୍ପ ପ୍ରଶାସନ ହାର୍ଭାର୍ଡ ବିଶ୍ୱବିଦ୍ୟାଳୟର ବିଦେଶୀ ଛାତ୍ରଛାତ୍ରୀଙ୍କ ନାମଲେଖା ଉପରେ ପ୍ରତିବନ୍ଧକ ଲଗାଯାଇ ପୂର୍ବରୁ ଥିବା ବିଦେଶୀ ଛାତ୍ରମାନଙ୍କୁ ସ୍ଥାନାନ୍ତର କରିବାକୁ କୁହାଯାଇଛି। ଏପରି ନ କଲେ ଛାତ୍ରଛାତ୍ରୀ ମାନେ ସେମାନଙ୍କର ଆଇନଗତ ସ୍ଥିତି ହରାଇପାରନ୍ତି ବୋଲି ଟ୍ରମ୍ପ ପ୍ରଶାସନ ପକ୍ଷରୁ କୁହାଯାଇଛି।

ଫଳରେ ହାର୍ଭାର୍ଡ ବିଶ୍ୱବିଦ୍ୟାଳୟ ଡୋନାଲ୍ଡ ଟ୍ରମ୍ପ ପ୍ରଶାସନ ବିରୁଦ୍ଧରେ ଏକ ମାମଲା ଦାୟର କରିଛି। ବିଶ୍ୱବିଦ୍ୟାଳୟ କହିଛି ଯେ ଟ୍ରମ୍ପ ପ୍ରଶାସନ ରାଜନୈତିକ ଚାପ ପ୍ରୟୋଗ କରୁଛି। ଏପରି ପରିସ୍ଥିତିରେ ସରକାରଙ୍କୁ ଏହି ନିଷ୍ପତ୍ତି ନେବାରୁ ରୋକିବା ଉଚିତ। ଟ୍ରମ୍ପ ପ୍ରଶାସନ ବିରୁଦ୍ଧରେ ହାର୍ଭାର୍ଡର କିଛି ଘଣ୍ଟା ପରେ କୋର୍ଟ ପକ୍ଷରୁ ଅସ୍ଥାୟୀ ପ୍ରତିବନ୍ଧକ ଆଦେଶ ଜାରି ହୋଇଛି। 

ଜବାବରେ ଟ୍ରମ୍ପ ପ୍ରଶାସନ କହିଛି ହାର୍ଭାର୍ଡ ବିଶ୍ୱବିଦ୍ୟାଳୟର ଅନ୍ତର୍ଜାତୀୟ ଛାତ୍ରଙ୍କ ନାମଲେଖା ପାଇଁ ଅନୁମତିକୁ ସ୍ଥଗିତ କରିବା ପାଇଁ ତାଙ୍କ ପ୍ରଶାସନର ନିଷ୍ପତ୍ତି ଉପରେ ଗୁରୁତ୍ୱାରୋପ କରି, ସଂସ୍ଥାର ପର୍ଯ୍ୟାପ୍ତ ଅନୁଦାନ ଏବଂ ଫେଡେରାଲ୍ ପାଣ୍ଠି ଗ୍ରହଣକୁ ସିଧାସଳଖ ସମାଲୋଚନା କରିଛନ୍ତି। ରାଷ୍ଟ୍ରପତି ଟ୍ରମ୍ପ ଏହା ମଧ୍ୟ ସୂଚାଇଛନ୍ତି ଯେ ହାର୍ଭାର୍ଡର କାର୍ଯ୍ୟର ଅଧିକ ଯାଞ୍ଚ ସମ୍ଭବ ହୋଇପାରେ।

ସୂଚନାଯୋଗ୍ୟ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ହାର୍ଭାର୍ଡ ବିଶ୍ୱବିଦ୍ୟାଳୟ ମଧ୍ୟରେ ପୂର୍ବରୁ ବିବାଦ ଲାଗିରହିଛି। ରାଷ୍ଟ୍ରପତି ହେବା ପରେ ଟ୍ରମ୍ପ ପ୍ରଶାସନ ହାର୍ଭାର୍ଡକୁ ୨.୨ ବିଲିୟନ ଡଲାରର ପାଣ୍ଠି ବନ୍ଦ କରିଦେଇଛି। ହାର୍ଭାର୍ଡ ଏହାର ଉପଯୁକ୍ତ ଉତ୍ତର ଦେଇଛି। ସେ ରାଷ୍ଟ୍ରପତି ଟ୍ରମ୍ପଙ୍କ ସରକାର ବିରୁଦ୍ଧରେ ଏକ ମାମଲା ଦାୟର କରିଛନ୍ତି। ୱାଲ ଷ୍ଟ୍ରିଟ ଜର୍ଣ୍ଣାଲ ରିପୋର୍ଟ ଅନୁଯାୟୀ, ଟ୍ରମ୍ପ ପ୍ରଶାସନ ହାର୍ଭାର୍ଡ ବିଶ୍ୱବିଦ୍ୟାଳୟର ସ୍ବାସ୍ଥ୍ୟ ଗବେଷଣାକୁ ଟାର୍ଗେଟ କରୁଛି। ଟ୍ରମ୍ପ ପ୍ରଶାସନ ପୂର୍ବରୁ ଅନେକ ପ୍ରତିଷ୍ଠିତ ପ୍ରତିଷ୍ଠାନକୁ ପାଣ୍ଠି ବନ୍ଦ କରିସାରିଛି। ଏବେ ଟ୍ରମ୍ପ ପ୍ରଶାସନ ଏବଂ ହାର୍ଭାର୍ଡ ମଧ୍ୟରେ ମାମଲା ବଢ଼ିଯାଇଛି।